差不多成年冇update 過 xanga, 唔知重有冇人黎睇呢???  "唔得閒"係唔update xanga o既藉口,冇心機先至係主要的原因.  日子過得好快, 可能係同我當差有好直接o既關係, 根本冇時間停低, 環境迫自己要急速地成長, 要每件事都要做得好小心, 真係"支力"喇!!!

兩年差都未夠, 由行beat 至到做admin野, 人人都覺得我事事快人一步, 我問心, 我有一定的幸運, 但我也有付出過努力.  我唔知道我的衝勁可以支持倒幾耐, 但我知道自己的體能大不如前.  我要搏, 要闖一返事業, 所以要付出代價.

搬左屋半年有多, 今日先至有心機煮野食, 可能我愈來愈懶!!

有左lee件工, 外人睇我好, 人工高, 褔利好, 老實講句, 對我黎講, 改變的實在不多, 一樣要為錢而煩, 真的沒趣.

早兩日有位英勇的消防員執勤時喪生, 希望在此紀念他.  "人性o既光輝, 往往有o係極度惡劣o既環境下才會彰顯"

人就係咁賤格, 返工就想放假, lee 兩個星期, 返5 日工加3日返警校Training, 剩返果d全部都係假期, 放得多, 個人又覺得悶lu.  星期五去左同幾個同事去左淺水灣玩Wakeborad, 好正呀, 超 relax, 即刻放低晒返工o既野.  唔知點解, 我d "Time Off" 假期放黎放去都重有三十幾個鍾, 有冇計錯嫁????

星期六

同你一齊食左個lunch, 你話影左智能身分證, 我日日都睇唔同o既身分證, 得你果張係笑得咁甜, 特別可愛.  希望你日日都咁開心喇, 我諗你都就快結婚嫁喇.  Lunch 之後去左take 新眼鏡, 見倒副 Everlast o既太陽眼鏡, 好鐘意呀, 不過都係遲d先買喇, 我都係想學車先.

可愛o既阿狗, 我同你真係, 冇得傾呀, 點解可以咁嫁, 太friend la, hahaha.

生活愈黎愈悶, 同d同事傾計, 其實想唔悶, 出去泡就得啦, 但係最矛盾o既, 就係我地根本唔鍾意泡, 你地話點算好????

阿頭同我傾計, 做野要做得開心, 其實好簡單, 重點就係做野果份"投入感", 做野投入, 好多野都會做得得心應手. 我做野都好有要求, 我唔想hea 做, 特別係有新人passing out, 我唔想比人做比較, 但係所有人都鍾意比較, 唔係比lee 樣, 就係比果樣.  Sorry 呀, 我係唔會咁易俾位人入我嫁 !!!

等入PTU,最快都2008年年頭, 剩返o既時間, 諗d 方法可以令我自己同其他人唔同, part time degree 已經報左喇, 讀書o既事勢在必行, 下一步係....................... "機密"

就快Annual Fitness Test, 又要加強訓練喇.  同我細佬join 左 California, 要再操大隻D.

7月9日至15日

終於有新人passing out 喇, 真係人地師兄喇, 今個星期都幾開心, 開始感覺倒自己有俾人賞識, 有發揮o既機會.  星期四解犯去東區法院, 阿頭唔帶隊, 人地問邊個帶, 答案竟然係"我", 太好feel 喇, 哈哈哈. 我帶隊解犯, 難以置信.

之後阿頭又叫我帶兩個新人認識beat 份.  Really very happy for this weeks.

Next week will be very busy, for Monday, I will have an interview for part time degree at PolyU

Wed need to go to PC Club to play basketball with my friends, Thu will have partice on Revolver, Friday will 滑水. OH!!!  my life is too busy..............................

嘩, 差唔多成個月冇打日記喇, 真係好唔得閒. 又要一次過打返晒d日記lu.

5月12日

當值C 更, 一向平靜o既C更, 今晚有d唔同, 一開工就做單"Theft" Case, Arrested Person 重要係講菲律賓話, 身為 Arresting Officer o既我, 當然係出盡渾身解數, 用我讀左咁多年書學返黎o既 English 同佢溝通喇, 做到5月13日 1115hrs, OT 左三個半鐘, 都冇乜所謂喇, 有野做, 又學倒野.

5月13日

緊接 1115hrs 收工, 即刻返屋企, 幫阿媽拎行李去機場, 佢去三個星期旅行, 做左成晚通宵, 已經冇乜energy 嫁喇, 但係我阿媽冇左我,又點可能拎得晒d行李先得嫁. 送埋機返屋企, 成七點幾, 足足29個鐘冇訓過,即刻訓返兩粒鐘先返工,訓左好似冇訓過咁.  諗住今晚hea做, 點知又有operation, 一個人check 左 15 張 ID. 本身已經好"支力", 又後重"支力".  15張ID 唔係d乜野特別, 但係令我諗返幾個月o係警校做 partical exercise, 我同我最喜愛o既阿狗, 兩個人都 check 唔倒一張 ID, 幾個月o既時間, 令一個人改變左咁多, 好多野真係要迫出黎.

5月14至18日

今個星期o既duty 係解犯, 冇乜特別野做. 解d犯去東區法院, 去左婦女會對面o既差館食早餐, 以前讀書果陣, 根本冇諗過要當差. 今日係差館望返過婦女會, 又係另一番感受.

5月19日

.........................................  詳情補錄